ജനുവരി

കാമുകനായി
ആശ്ളേഷിക്കാൻ വന്നിട്ട്
മാറിനിന്നു കണ്ടുപോയ
സൈക്കിൽ സവാരിക്കാരൻ ഡിസംബർ,
എന്റെ മരഗേറ്റിൽ വിറങ്ങലിക്കുന്ന
നിന്റെ കൈയടയാളത്തിന്റെ വെളുപ്പില്ല,
ഈ ലോകം പറയുന്ന മഞ്ഞിന്‌.

നീ മറന്ന ചായത്തൊട്ടിയിൽ നിന്ന്

വാരിവലിച്ചുകൊണ്ടിട്ടൊലിക്കുന്ന

മേഘങ്ങളെ കാർഡുകളിലൊക്കെ
ഒരു പറ്റം മനുഷ്യർ
ഒട്ടിച്ചു വയ്ക്കുമ്പോൾ,

നിന്റെ തോളിലിരിക്കുന്ന
പന്ത്രണ്ടിന്റെ കിളികളത്രയും
അവസാനത്തേ സൂചിയും
കൊത്തി തിരികെ പറക്കുമ്പോൾ,

ജനുവരി എന്ന പെൺകുട്ടിക്ക് കവിൾ നോവുന്നു.