Friday, February 5, 2016

ആയുധങ്ങളാവും,
ഉറുമ്പ് പോലത്തെ ചിന്തകളിലേയ്ക്കുള്ള പല കല്ലുകളും.
അസുഖകരമായതിനെ
കീഞ്ഞിപാച്ചിലാക്കാമെന്നത്
ഒരു സാമാന്യസങ്കല്‍പമാണെന്നറിഞ്ഞ ശേഷവും
തിണര്‍ത്തു തടിച്ചു വലുതോളം വലുതായി

റി
ഞ്ഞെ
റി
ഞ്ഞങ്ങിരിക്കവെ,
എത്ര കാലം
ഞാനുറങ്ങിയിരുന്ന
അതിദീര്‍ഘമായ
ദു:സ്വപ്നങ്ങളില്‍,
അമ്മയുടെ അമ്മ
ഇടത് കാല്‍മുട്ടില്‍ നിന്ന്‍ വലത് കാല്‍മുട്ടിലേയ്ക്ക്
അതില്‍ നിന്ന് വാരിയെല്ലിലേയ്ക്ക്
പുതപ്പ് നീട്ടി കാണിക്കുന്ന
പുതിയ പുതിയ വേദന.
ഉറുമ്പുകളുടെ ഭാഷയിലൂടെ
ഒരു കല്ല്‌ വന്ന് വീണതില്‍
ഞാന്‍
ശ്വാസംമുട്ടി മരിച്ചു,
വേദന തോന്നിയിരുന്നില്ല അപ്പൊ.