Wednesday, October 5, 2016

ഉടലടക്കം വട്ടം നിന്നിരുന്ന പാലയ്ക്കാ മരങ്ങൾക്കുളളിൽ വളളികളാൽ കെട്ടിവച്ച ജലാശയത്തെ പൊട്ടിച്ച് പീലി...
പാലുകുടിയ്ക്കിടെ കടലിനടിയിലെ പാവ കളി കാണാൻ പോണ പീലി..
ഉടലാകെ മുലകളുളള അമ്മയാവണം..
പീലിയിലേക്ക് എന്നെ ബന്ധിപ്പിക്കുന്ന പ്ലഗ്ഗിൽ , പീലികൾ പറിച്ചെറിഞ്ഞ് പാടണ പാട്ടിൽ "ചെല്ലമഴയും നീ ചിന്ന ഇടിയും നീ.."
വളളികളിൽ ഞാന്നുകിടന്നിട്ടുണ്ടായിരിക്കും
അവൾക്ക് കാവിന്റെ മണം.
പറന്നു പോകുന്ന വാഴത്തോട്ടങ്ങളെ ചുറ്റി നിർത്തുന്ന സൈക്കിൾ ബെല്ലുകൾ.
ഞാൻ കത്രിക വച്ചു മുറിച്ചുകൊണ്ടിരുന്നു
പടർന്നു കയറുന്ന തൊടികൾ, മഴകൾ, കിളികള്‍, കുരുമുളകു വള്ളികൾ
ഞാൻ കത്രിക വച്ചു മുറിച്ചുകൊണ്ടിരുന്നു
മാറ്റി ഒട്ടിച്ചുകൊണ്ടിരുന്നു എന്നെ.
താമരയിലകള്‍ക്കിടിയില്‍ കുമിളകളൂതി വിട്ട് അവള്‍ പൊങ്ങികിടക്കുന്നത് എവിടെനിന്നോ കേള്‍ക്കാം.