ഒരു മലഞ്ചെരിവ്. കിടക്കയിൽ.

ഓരം പറ്റി കിടക്കുമ്പോൾ
തലയിണകൾ മാനിണകളെ
പോലെ ചുംബിക്കുന്നത് കണ്ടു.

കൈകൾ
കുമ്പിളാക്കി
ഞാൻ കുളമുണ്ടാക്കി.

അവർ വന്നു വെള്ളം കുടിച്ചു.

എന്റെ തലയ്ക്കപ്പുറമിപ്പുറം ചാടി കളിച്ചു.

അവർ അവരെ തേടി അലയുന്നതും
നീണ്ട മുടികളിൽ
വള്ളിക്കുടിലുകളിലെന്നോളം
അവർ
കെട്ടുപിണയുന്നതും കണ്ടു.

അവരുടെ ചുംബനങ്ങൾ,
എന്നെയത് അസ്വസ്ഥയാക്കുന്നുണ്ട്.

ഞാൻ തലയിണകളെ അകറ്റി വച്ചു.

രണ്ടുടുലുകൾ തീവ്രമായി നോവുന്നതും കണ്ടു.