നീ/ഞാൻ പറഞ്ഞേക്കാവുന്ന ആദിമദ്ധ്യാന്ത നുണ (തെറ്റിക്കല്ലേ..തെറ്റിക്കല്ലേ)

ഞാനാണാദ്യമെന്ന്
തരില്ലല്ലോ

തരില്ലല്ലെന്നോടി
എത്താത്തയെത്താത്ത
കുന്നിലേയ്ക്ക്
നീയെത്തുമോ
ഞാനെത്തുമോ
എന്നാശങ്കിച്ചോടുമ്പോൾ,
കണ്ണുകൾക്ക് കാണാതെ
ഒരേതരത്തിൽ വിരലുകൾ

പിന്നിൽ വെട്ടിക്കുറുക്കെപ്പിടിച്ചത്,
എന്നും

കൈവെള്ളയിൽ

നിന്നൂർന്നുപോയ

ചിത്രശലഭങ്ങളെ
നമ്മുടെ കുഞ്ഞുങ്ങൾക്കായി
ചാടിപ്പിടിച്ചടുത്തെത്തുന്ന പോലെ
ജീവിതത്തെ എന്റെയരികിൽ കൊണ്ടിരുത്താനല്ലേ.?

എന്റെയെന്ന് എന്റെയെന്ന് കിതപ്പാറ്റാനല്ലേ?

ഈ നുണ തെറ്റിക്കില്ല എന്ന് പറയലല്ലേ ?