ഏറ്റവും ശക്തമായ
പരിപ്പുകറിക്കായി
ഒരുവൻ
തിളയ്ക്കാൻ തുടങ്ങി
ചീരയിലകൾ അരിഞ്ഞിട്ടത്‌,
തേങ്ങയും ഉള്ളിയും 
ചതച്ചിട്ടത്‌.

മുറികളിലെ ഒഴിഞ്ഞ അറകളിൽ,
പിഞ്ഞാണങ്ങളിൽ,
പൂപ്പാത്രങ്ങളിൽ,
ബക്കറ്റിൽ,
മഗ്ഗിൽ,
നോട്ട്പാടിനടുത്തിരുന്ന കാപ്പിക്കപ്പിൽ.
എല്ലായിടത്തും
ആ പരിപ്പുകറി
തല കുത്തിമറിഞ്ഞു

5.55 നും 6.15 നും ഇടയ്ക്കുള്ള
ആകാശത്തെ
ഒരു കുഞ്ഞു മേഘം
പരിപ്പുകറിയിൽ
ചോർത്തി
കൊടുത്തുകൊണ്ടിരുന്നു.

അവളുടെ 
മുറിവിലും
ചീരയും പരിപ്പും
വിചിത്രമായി സ്നേഹിച്ചു കൊണ്ടിരുന്നു.

അതിനാല്‍ മാത്രം
മറ്റ് കറികൾ
അവളെ പരിപ്പുകറിയിൽ നിന്ന് 
പുറത്താക്കാന്‍ തീരുമാനിക്കുന്നു