ഉയർത്തെഴുന്നേല്പ്പ്..

ഇന്ന്‌...
പ്രവാചകന്റെ മറുപിറവി...
ഒരു പ്രണയത്തിന്റേതും.....

അവളുടെ ഹൃദയത്തിൽ നിന്ന്
ജീവന്റെ തിരുമുറിവുകളുമായി
അവൻ നിശ്ശബ്ദമായ് പറന്നു,
പ്രാണന്റെ ഒരു കുരുവിയെന്നോണം...

ജീവനെ അപ്പവും,
ചോരയെ വീഞ്ഞുമാക്കി മാറ്റി
അവൻ പാപിയായി...
നീണ്ട പ്രളയത്തിൽ
അവൻ കുടയില്ലാത്തവനായി..

മൂന്നാം നാൾ,
തിരികെ പറന്ന
കുരുവിയുടെ ചുണ്ടിൽ,
ഒലീവിന്റെ മൂന്ന് പൂക്കൾ,
സ്നേഹത്തിന്റെ വെള്ളപൂക്കൾ...