Thursday, March 29, 2012

നാഗമുദ്ര

ലിഫ്റ്റ്‌ കയറുകയാണ് ഒരാൾ.

പറഞ്ഞ സമയത്തിൽ 3B യിൽ

ഒന്നുകെട്ടിപ്പിടിക്കൂയെന്നാർത്ത്
അല്ലികൾ വിടർത്താൻ
നാഭിക്കുഴിയിലിയിരുന്നു

കൊതിക്കുന്നു

താമര എന്ന പരിവേഷത്തിലൊരു

നാഗത്തി

മുടിയിഴകളെ

കോതികൊതിക്കുമ്പോൾ,
പിൻകഴുത്തിൽ 
നിറയെ മരങ്ങളാണ്.
അതിൽ മെരുങ്ങാത്ത കുരങ്ങന്മാരാണ്.
ഹൃദയം കൊതിക്കുന്ന

മുതലയുടെ സ്വപ്നങ്ങളിൽ
ആണ്ടു നീ പോയാലും കൈ നീട്ടി
ഞാൻ വലിച്ചെടുത്തോളാം മുത്തേ
എന്ന് പറയുന്നു
ചടുലമായ ചുവട്.

ചാടുമ്പോൾ
സ്വപ്നബദ്ധയാക്കി
മുത്തിമുക്കിതാഴ്ത്തണം
എന്ന് അവൻ ചിന്തിക്കുന്നത്
എനിക്ക് മാത്രം അറിയാം,
പ്രേതസിനിമകളിലെ കണ്ണാടികളിൽ
തെളിയുന്ന മുഖങ്ങളെ
കാണിയായ എനിക്ക് മാത്രം
കാണാവുന്നത് പോലെ.

അവൾ  ഭൂതകാലത്തിന്റെ
ഇടവഴിയിലെ ഒരാലിംഗനമാണ്,
ഒറ്റ കൊത്താണ് .

ഒരിക്കലും പുറത്തുവരാനാവാതെ,
3 എന്ന ചുവപ്പക്കത്തിൽ
തന്നെ നില്ക്കുന്നു
നെറ്റിയിൽ ഇരട്ട പുള്ളികളുമായി,

ലിഫ്റ്റിൽ ഒരാൾ.

2 comments:

  1. DEAR PADMA MAM THANKALUDE VAKKUKAL ORONNUM ORO KADALILE THIRAMAALAKAL POLE ENNILEKKU OZHUKI ETHUNNU

    ReplyDelete
  2. നല്ല വരികള്‍ പത്മ..
    ആശംസകള്‍

    ReplyDelete