Thursday, April 19, 2018

കൂടെ നിന്ന ഒട്ടകമേ..
നിനക്ക് മാപ്പില്ല..

എന്നെ തണുപ്പത്തിരുത്തി
കൂടാരം
നീയൊന്നുലച്ചു.

പോട്ടെ.

എങ്കിലുമെന്റെ
സ്തോത്ര പുസ്തകം
നീ തിന്നു കളഞ്ഞല്ലോ.

പ്രാർത്ഥിക്കാനറിയാതെ
ഞാൻ നിലച്ചു പോയെന്ന്
അറിയാതെ പോലും
കരുതണ്ട

നീ ചവച്ചു തിന്നത്
എന്റെ കള്ളങ്ങളുടെ
പള്ളിമേടയായിരുന്നു.

കറുത്ത കുപ്പായമണിഞ്ഞ്
ഇനിയാ
പള്ളിമണി
ആര്
തുരുതുരാന്നടിക്കും.

ഹൊ.. ഒട്ടകമേ..
നിനക്കത് ദഹിക്കില്ല..

അണ്ണാക്ക് തുറക്കൂ കുട്ടി..

ആ രഹസ്യ കോഡ്
ഞാൻ കയ്യിട്ടെടുക്കട്ടേ.

അടഞ്ഞ് കിടക്കുന്ന
ഗുഹക്കുള്ളിൽ നിന്ന്

എനിക്കെന്റെ
കള്ളൻമാരെ
പുറത്ത് കടത്തണം.

No comments:

Post a Comment