Monday, February 9, 2015

പൊയട്രി ഫ്രൈസ്


1.

വെയിലിൽ വിയർത്തിട്ടെന്ന പോലെ 
വെയിൽ അസ്വസ്ഥയായിരുന്നു.
ഉരുണ്ട തണ്ണിമത്തനുകളുള്ള
എന്റെ തല 

മണിക്കൂറുകളിടവിട്ട് 
ജ്യൂസടിക്കുന്നു.

ഒരു കൊലപാതകത്തിന്റെ കോലാഹലം
നിഷ്കരുണം തൊട്ടടുത്തുള്ള പോലെ
തണുപ്പു പിടിച്ച തലയെ
നൂറ്റാണ്ടുകളായി കാത്തിരിക്കുന്ന 
വെയിൽ കത്തികൾ.

എത്ര പരിഹരിച്ചാലും
വേന(ല്‍)ക്കാലങ്ങൾ തീരുന്നില്ല.

ചോറു വേണ്ടാത്ത കുട്ടിയാണ്.
പഞ്ചാരയിൽ 
പാലിൽ കൊഴക്കാന്‍
ഒത്ത തണ്ണിമത്തനില്‍ നോക്കി
ചിക്ചിക്ചികാന്ന്
എന്നെയാകെ 

കൊത്തിയരിഞ്ഞ് കൊത്തിയരിഞ്ഞ്,

പക്ഷികൾ നാലുപാടുന്നും 

പറന്നു കൊത്തുന്ന 
തലയുമായി
റോഡിലൂടെ ചുവന്ന ജ്യൂസിന്റെ വണ്ടി 
തള്ളിത്തള്ളി നിങ്ങളിലേയ്ക്ക്.

2.
അക്ഷമയുടെ രാത്രിയി
വെള്ളിക്കൊലുസ്സോര്‍ത്തുറങ്ങിപ്പോയ കുട്ടിയെ
25 കൊല്ലം നീളമുള്ള
ഒരേ വരികള്‍ തന്നെ കാലിലിട്ട് വലിക്കുന്നു.
ഏതോ മരഛായ നീ തിരഞ്ഞകന്നാലും
എങ്ങോ വനഭൂമിയിൽ പറന്നുപോയാലും

സൂചി വെയിലിന്റെ കുത്തില്‍
ചാടിപ്പിടഞ്ഞെഴുന്നേറ്റ്
കാലുകള്‍
നിലത്ത് വയ്ക്കുമ്പോള്‍
ശ്റ പറാന്ന്‍ നൂറായിരം കൂട്ടം കിലുക്കങ്ങ,

ഭൂമി അച്ഛന്‍ വാങ്ങി കൊണ്ടുവരുന്ന
ഉടഞ്ഞു പോവാനുള്ള തക്കാളികളെന്ന്‍.


3.
അരി നെല്ലിക്കകള്‍ കുത്തിയിടുമ്പോൾ
അതേ നോക്കി
ഗര്‍ഭത്തിനുള്ളിൽ

കൊതി മൂത്ത് 
വായ തുറക്കുന്ന കുഞ്ഞിനെ പോലെ
ഞാന്‍ ഉള്ളയിടങ്ങളിൽ
ഞാന്‍ ഉണ്ടോയെന്ന്‍.
 
ആരുമത് കാണുന്നില്ല.

4. 
എന്റെ മത്തിക്കറിയില്‍ ഒരു മത്തിപോലുമല്ല 
എന്നാവുമ്പോൾ
ഞാന്‍ ഒരു യഥാര്‍ത്ഥ പാചകക്കാരിയാവുന്നു.


No comments:

Post a Comment