Thursday, February 19, 2015

ഏറ്റവും ശക്തമായ
പരിപ്പുകറിക്കായി
ഒരുവൻ തിളയ്ക്കാൻ തുടങ്ങി
ചീരയിലകൾ അരിഞ്ഞിട്ടത്‌,
അതില്‍ തേങ്ങയും ഉള്ളിയും ചതച്ചിട്ടത്‌.

മുറികളിലെ ഒഴിഞ്ഞ അറകളിൽ,
പിഞ്ഞാണങ്ങളിൽ,
പൂപ്പാത്രങ്ങളിൽ,
ബക്കറ്റിൽ,
മഗ്ഗിൽ,
നോട്ട്പാടിനടുത്തിരുന്ന കാപ്പിക്കപ്പിൽ

360 ഡിഗ്രിയിൽ പരിപ്പുകറി 
തല കുത്തിമറിഞ്ഞു,
5.55 നും 6.15 നും ഇടയ്ക്കുള്ള
ആകാശത്തെ
ഒരു കുഞ്ഞു മേഘം
പരിപ്പുകറിയിൽ ചോർത്തി കൊണ്ടിരുന്നു.

ബ്ളേഡിറങ്ങിയ
മുൾകിരീടം വച്ച
അവളുടെ മുറിവിൽ ഒഴിച്ചതില്‍
ചീരയും പരിപ്പും
വിചിത്രമായി സ്നേഹിച്ചു കൊണ്ടിരുന്നു.

ഉണ്ട് എന്നതില്‍ നിന്ന്‍
ഇല്ല എന്നതിലേക്ക്
സമമായി പകർത്തുമ്പോൾ

മറ്റ് കറികൾ,

അവളെ പരിപ്പുകറിയിൽ നിന്ന് പുറത്താക്കുന്നു.

No comments:

Post a Comment