Wednesday, May 9, 2018


മാവിലകളാണ്
ചിരട്ടയിൽ.

അതിന്റെ മേല്‍
വരഞ്ഞിട്ടുമുണ്ട്.

കുട്ടികളിപ്പോ പിടിച്ച
പുഴ മീനുകളാണ്.

മങ്കട്ട പൊടിച്ചത്
അരിച്ചും തെളിച്ചും
അരപ്പാക്കുന്നു
ഞങ്ങലളിലൊരുവന്‍.

കൊറ്റികള്‍
തലങ്ങും വിലങ്ങും
പറക്കുന്നുണ്ട്.
ഞങ്ങളിലെ ശാന്തനും സോമനുമാണ്.

അത് ചുറ്റിപറ്റി
ഒരു പൂച്ച, വിനായകനാണ്.

സത്യത്തില്‍
കൂട്ടത്തില്‍ പാവം അവനാണ്.

അവന്‍ എണീറ്റ് പോയപ്പോൾ
ഉണ്ടായ ഇരുട്ടാണിപ്പൊ,

ഞങ്ങളെ തമ്മില്‍
ആരൊക്കെയോ
പിണക്കിയതായിരുന്നു.

ആ ഇരുട്ടിലിരുന്ന്‍
ഞങ്ങളുടെ 
ഭൂതകാലം
വർത്തമാനം പറയുന്നുണ്ട്.

ഞങ്ങള്‍
ചോറും മീങ്കൂട്ടാനു-
മുണ്ടാക്കുന്നുണ്ട്.


No comments:

Post a Comment